«Виват, кадеты!» тӱнямбал кӱкшытан бал тений 10 декабрьыште лиеш да Россий, тыгак йот элла гыч тӱжем дене участник-влакым чумыра. Тений тудо Кугу Ачамланде сарыште Сеҥымашын 80-ше идалыкшылан да Шочмо элым аралышын идалыкшылан пӧлеклалтеш. Тушко 3400 кадетым чумырат.
Ты радамыште – Йошкар-Оласе 3-шо номеран школын да Ургакш поселкысо лицей-интернатын кадетше-влак. Кызыт ӱдыр-рвезе-влак бальный куштымаш-влакым репетироватлат.