Марий Эл визымше гана «Кугу этнографий диктант» тӱнямбал акцийыш ушна

Российыште илыше калык-влакын историйыштым ушештараш да марий калык йулам шарналташ угыч йӧн пуалтеш.  Марий Эл визымше гана «Кугу этнографий диктант» тӱнямбал акцийыш ушна. Тений тудо онлайн йӧн дене эртаралташ тӱҥалеш. Туге гынат участник-влакым ик площадке - Чавайн лӱмеш книгагудо чумыра. 5-ше ий почела эртаралтше «Этнографий диктант» акций шке кулешлыкшым шукертак пенгыдемден. Кажне ийын тушко ушнышо-влакын чотышт палынак кушкеш.