Тидын нерген экономике вияҥмаш министр Владимир Халюзин увертарен. Жюри «Йошкар Еш» гастрономий пайремым кӱкшын аклен. Тудын – той медаль.
«Васюки Фест» сатир да мыскара фестиваль – кокымшо верыште.
«Шанавӹл — семь цветов, семь нот» фестиваль-конкурс йӱлам да регионын тӱвыра поянлыкым аралымыжлан той медаль дене суапландалтын.
Тидын дене пырля йӱдвел коштмаш да куржталмаш фестиваль, тыгак самырык-влакым патриот шӱлышеш шуарыме «Взгляни вокруг! История перед тобой» спектакль-квест специальный диплом дене палемдалтыныт.