Мутлан, этнографический тоштерын фондшо гыч выставкым мемнан тоштерыште ончыктат, тыгак Санкт-Петербургысо тоштерлан марий тӱвыра да йӱла дене консультацийым эртараш тӱҥалыт.
Россий этнографий тоштерыште республикын кечыже лийын. Тушто кидмастар-влак Надежда Акиева, Николай Смирнов, Евгения Кошкина шке пашашт дене палдареныт. Тоштер пашаеҥ-влак лекцийым лудыныт. Российысе этнографий тоштерыште эртаралтше Республикын кечыжым палемдымашке Марий Элын тӱвыра, печать да калык-влакын пашашт шотышто министрын алмаштышыже Николай Любимов, тыгак Т.Евсеев лӱмеш тоштерын вуйлатышыже Ирина Якаева, «Шыжарвлӓ» кӱслезе-влак ансамбль, кидмастар-влак миеныт.