Службым Марий митрополийын духовенствыже эртараш тӱҥалеш. Тудым Йошкар-Олан да Марий кундемын митрополитше Иоанн тыгак Волжск да Шернурысо епископ Феофан вуйлатат.
Марий литургий 10 декабрьыште 8 шагатлан тӱҥалеш. Чыла кумылан-влакым тышке ушнаш ӱжыт. Литургий деч вара «Марий калыкым туныктымаште тиштын рольжо» темылан йыргешке ӱстел йыр мутланымаш лиеш. Тудо Православий рӱдерыште эрта.