28 октябрьыште курыкмарий йылмын кечыже палемдалтеш
13:51, 28-10-2020. Разместил: zhannk
28 октябрьыште курыкмарий йылмын кечыже палемдалтеш. Тиде пайрем ийготшо дене але самырык. Тудым курыкмарий районышто илыше мер пашаеҥ-влак 2014 ий гыч йылмызе, профессор Лидия Петровна Васиковам шарнен, эртарат. Лидия Васикова курыкмарий йылмым вияҥдымаште ятыр тыршен, Марий кугыжаныш университетын профессоржо, курыкмарий йылме орфографийым ыштыме комиссийын председательже лийын, «Марий Эл республикыште йылме-влак шотышто закон», Республикысе Конституцийын проектше-влакым ыштымаште тыршен. Тиде кечын курыкмарий школлаште тӱрлӧ мероприятий-влак эртаралтыт, кажне ийын курыкмарий йылме дене диктантым возат. Йоча-влаклан курыкмарий йылмын ойыртемже нерген каласкалат.
Вернуться назад