Тудо кок кече шуйна. Мероприятийыш кучем орган-влакын, регионысо да туныктыш тӧнежла гыч специалист, эксперт-влак ушненыт.
Икымше кечын Марий Эл виктер вуйлатышын алмаштышыже - тӱвыра, печать да калык-влакын пашашт шотышто министр Константин Иванов докладым ыштен. Тудо республикын марий йылмын цифровизацийже шотышто пашаже дене палдарен: мемнан кундемыште марий йылме дене туныктымо поосбий-влак шотышто, медиакласс-влакын пашашт, тӱвыра поянлыкын цифровизацийже нерген.
Форумышто «Яндекс» дене ойпидышым ыштышаш улыт. Тудын дене у проектым илышыш пуртат. Марий тӱр дене сӱрет-влакым пӱртӱслӧ огыл уш-акыл интеллектым пален налаш туныктат. Тыгак форумын пашашкыже МЭТР телерадиокомпанийын вуйлатышыже Ирина Фоминых да компьютер лингвист Андрей Чемышев ушненыт.