Эрик Сапаев лӱмеш опер да балет театр «Снегурочка» спектакльым калык ончыко луктын. Новатор проект классике шотан хореографийым арален да у йӧн-влакым пуртен.
Спектакльын хореограф-постановщикше Российын сулло да Марий Элын калык артистше, марий профессионал балет школым негызлыше Константин Иванов.
Спектакльын ойыртемже – сценографийым ыштыме годым сӱретчын да нейросетьын кылжым кучылтыныт. Борис Голодницкий эскиз да концепцийым ямдылен, а ГигаЧат нейросеть тудым кызытсе жаплан келыштарен.