У ий вашеш чодыраште кож-влакым утларак тӱткын тергаш тӱҥалыт

Чодыра инспектор-влак патрульыш лектыт. Нуно пушеҥгым шолып руымашым шижтарат. Чодыра пашаеҥ-влак палдарат, кож, пӱнчӧ лӱсым руымо пушеҥге гыч веле налаш лиеш. У ий пайремлан кожым тыгай лӱмын плантацийлаште веле руат. Чодыра фондышто кожым да моло иман пушеҥгым руыман огыл. Тидлан административно, тыгак уголовный муткучыш вуча.