Аварий лийме верлаште стационарный 12 камерым вераҥденыт. Тидлан 23 миллион теҥге ойыралтын. Кызыт республикысе корнылаште 250 камере уло, тышечын 231 стационарный, 15 мобильный, 2 – нелытым висыше пунклаште, тыгак 2 опытный кучылтмаште.
Кодшо ийын камере-влак 1 миллион наре правил пудыртымашым шекланеныт.
Кодшо ийын республикыште Йошкар-Ола-Уржум кугорнын 47-ше километрыштыже весогабаритный контроль пунктым чоҥеныт. Тидлан 275 миллион теҥге ойыралтын, 20 февраль марте тудо тестовый режимыште пашам ышта. Кызыт республикыште 3 тыгай комплекс уло, кодшо ийын нуно 1425 пудыртымашым шекланеныт. Аппаратный комплекс-влакым республикыште «Инфраструктура для жизни» нацпроект дене уэмдат да ыштат.