Марий Эл гыч сатум ыштыше-влак «Российын тамже» национальный конкурсышко ушненыт
14:48, 30-10-2020. Разместил: zhannk
Марий Эл гыч сатум ыштыше-влак «Российын тамже» национальный конкурсышко ушненыт. Ялозанлык министерствын палдарымыже дене, регион 12 брендым аклаш колтен. Тидын коклаште «Марий Отар» марий мӱкшызӧ-влакын брендышт. Тиде палым 2016 ийыште ыштыме. Таче кечын республикыште 2 тӱжемат 500 наре еҥ мӱкшым куча, утларакше кресаньык да фермер озанлык-влак. Мӱкшызӧ-влакын 36 тӱжем мӱкш ешышт уло. Икымше гана эртыше «Российын тамже» национальный конкурсышко регионла гыч сатум ыштыше-влак ушнат. Сеҥыше-влакым 8 номинаций дене ойырен налыт. Чылаже 22 финалистым палемдат. Нуно региональный кочкыш продукт брендлан полышым пуымо да калык коклашке шараш йӧным ыштыше мероприятий-влак комплексын ужашыже лийыт.
Вернуться назад