Параньга-Уньжинский автомашина корнышто Элнет эҥер гоч кӱварым капитально тӧрлат

Кызыт жаплан келыштарыме кӱварым ыштеныт, тыгак тошто конструкцийым пужат. «Марийскавтодор» палджара, 48 метран объектым 9 ноябрь марте ыштен шуктышаш улыт. Тӧрлымӧ жаплан тушто ик могры дене веле кудал эрташ лиеш. Пашам «Инфраструктура для жизни» нацроект дене шуктат. Кодшо ийын тиде нацпроект дене Немда да Эксейка эҥерла гоч кӱварым тӧрленыт, тыгак Арыпка, Касмер да Семеновка эҥерла гоч вончымо корным уэмденыт.