Марий Элыште коронавирус дене утларакшым илалше-влак черланат

Марий Элыште коронавирус дене утларакшым пенсионер-влак черланат. Тидын нерген Роспотребнадзорын регионысо виктемже палдара. Лабораторно пенгыдемдалтше 6 тӱжем утла случай гыч 2 тӱжем нарыже илалше-влак коклаште регистрироватлалтын. Инфицироватлалтше-влак коклаште медпашаеҥ-влак улыт-1500 утла еҥ, служащий, тунемше-влак 300 наре, силовой структурылаште тыршыше-влак гыч 76 еҥын тиде вирус пеҥгыдемдалтын, пашадыме да моло сферыште тыршыше-влак гыч 984 еҥын коронавирусым регистрироватленыт. 

Республикыште ик тӱжем утла пациент коронавиурс але тудын лийын кертме лӱдыкшӧ дене инфекционный стационарлаште эмлалтеш, 23 еҥ - шодын искусственный вентиляцийыште. Шочмо эрлан 43 еҥын тиде вирусым пенгыдемденыт. Шукыж годым тиде чер дене еш але лишыл еҥ-влак дечын черланат. Профилактикым шотышко налза,   тӱшка верлаште, транспортышто маскым чийыза, кидым чӱчкыдын шовын дене мушса.