Марий Элыште тений «Инициативы жителей» регион вуйлатышын проектше дене 101 вере пашам шуктат, кумдыкым тӱзатат.
Шернур районышто, мутлан, тений 13 миллион теҥгелан 9 проектым илышыш пуртышаш улыт. Ты радамыште Шернур поселкышто Советский уремыште йоча площадкым ыштымаш, Дубники ялыште Шочмо Элым аралыше-влаклан Чап мемориалым тӱзатыме кокымшо этап, Чылдемыр, Рушэҥер, Торешкӱвар, Пактай яллаште корно ужалым тӧрлат, Лажъялыште шӱгарлам шотыш кондат, Лавраэҥер да Большие Ключи ялыште шаргӱ корным тӧрлат.