Козьмодемьянскыште тений эҥер серым тӱзатат

Марий Элын вуйлатышыже Юрий Зайцев ты олан историй ужашыжым моторракым ыштыме нерген палдарен. Паша тений тӱҥалеш. Проект «Инфраструктура для жизни» нацпроектын «Формирование комфортной городской среды» программе дене рейтинг йӱклымаште сеҥен. Пашам Ленин урем ужашыште шуктат: Чап Обелиск гыч «Светлячок» йочасад марте. План дене подрядчик афсальтым шара, 500 метр кужытан куржталаш корным келыштара, кумдыкым волгалтарат. Чоҥышо-влак пашам игече шотлан толмеке, тӱҥалыт.