«МЭТР» телеканалын пашаже-влак «Смиротворец» конкурсышто аклалтыт
14:55, 5-11-2020. Разместил: zhannk
«МЭТР» телеканалын пашаже-влак «Смиротворец» конкурсышто аклалтыт. Конкурсын эксперт ушемже «Этнические и локальные СМИ» категорийыште шорт-листым чумырен. Кызыт жюри нине паша-влакым онча. Конкурсант-влак радамыште «МЭТР» телеканал, мемнан коллегына - Наталья Ямаеван пашаже-влак.
Тудо конкурсышко кум материалым колтен. Тиде марий юмынйӱла ушемын онаеҥже Альберт Рукавишников дене интервью. Тудын дене автор марий у ий пайремын ойыртемже нерген мутланен. Тыгак конкурсышто «Агавайрем кумалтышын икымше онлайн трансляцийже», Морко район Унчышто Сӱрем кумалтышым эртарымылан пӧлеклалтше видеоматериал-влак аклалтыт.
« Телевидений« номинацийыште 14 телеканалын пашаштым ончат. «Смиротворец» конкурс калык-влак кокласе кыл да тӱрлӧ конфессий йодышым ончыктышо, возышо, ойлышо-влак коклаште эртаралтеш. Тений тудым Москваште ноябрь мучаште иктешлат.Вернуться назад