Йошкар-Олашке пурымаште корным тӧрленыт

Йошкар-Олашке пурымаште корным тӧрленыт. Пашам «Лӱдыкшыдымо да сай качестван автомашина корно» национальный проект дене келшышын шуктеныт. Козьмодемьянск кугорнын Строителей гыч Йыван Кырля урем марте ужашым Р-177 «Поветлужье» федерал корно дене ушнымо марте «Йошкар-Олашке пурымаш» лӱмденыт. Национальный проект дене тыште корным тӧрленыт. Чумыржо 13 километрым шотышко кондымо. Специалист-влак корно тӱрым тыгыде кӱ дене пенгыдемденыт, остановко-влакым уэмденыт, корным саемденыт.