Кундемнан чапшым аралат

Ставрополь крайыште армийыш кайышаш рвезе-влак коклаште Россий кӱкшытан спартакиадыште Марий Элын чапшым Волжский районын командыже арала. Командыште чылаже 10 еҥ: Сотнур кыдалаш, Памар, Шарача школ гыч самырык-влак улыт. Рвезе-влак строевой смотр, кужытыш тӧрштылмаште, автоматым рончен - погымаште мастарлыкым ончыктеныт. Таҥасымаште рвезе-влак куржталмаште, турникыште шкем нӧлтымаште, гранатым кышкымаште да моло видыште вийыштым тергеныт.