«Кугырак тукым» регионысо проект дене келшышын кугырак ийготан-влакым медицин организацийлашке кондыштарат
14:10, 17-11-2020. Разместил: zhannk
«Демографий» нацпроект дене «Кугырак тукым» регионысо проект дене келшышын кугырак ийготан-влакым медицин организацийлашке кондыштарат. Тидлан 2019 ийыште республикыште 18 автомашинам налме, мобильный бригаде-влакым ыштеныт. Ик ий ончыч паша тӱҥалын. Тиде йӧн дене 65 ий дечын кугырак, ялыште илыше еҥ-влак пайдаланен кертыт. Илалше еҥ влакым поликлиникышке наҥгаят да мӧҥгеш илыме верышкышт кондат. Шоҥгыеҥ дене пырля комплексный рӱдер-влакын мобильный бригадышт лийыт. 65 ий дечын кугырак еҥ-влакым медицин учрежденийлашке илалше еҥын кумылжо дене яра кондыштарат. Таче кечын «Мобильный бригада» службо яллаште илыше 1388 илалшым эмлымверышке нангаен.
Вернуться назад