«МАКС» мессенджерыште «Республика Марий Эл» регионысо сервис ышталтын.
Тиде чатын полшымыжо дене врач деке возалташ, заправкылаште топливо уло-укем пален налаш, школ-влакын каналышт нерген умылаш, кугыжаныш тӧнеж-влакын пашашт нерген рашемдаш лиеш. Тидлан «Все сервисы» кнопкым темдалман да чат-ботым почман. Тидын годым банк картын номерын данныйже огеш кӱл, моло приложенийым вераҥдаш огыт йод. Тиде сервис дене Марий Элыште 1300 наре еҥ пайдаланен.