Морко кундемыште кодшо тылзын Кугурак тукымын рӱдержым почыныт.
Тудым «Еш» нацпроект дене келшышын ыштеныт. Тудо Социал фондын районысо отделенийын клиент службыштыжо верланен. Тачысе кечын тыгай рӱдер шуко районышто уло, тиде - кугурак ийготан-влакын пырля вашлийме верышт. Ийготан-влак финанс да компьютер грамотность курсыш ушнен, вуйлатыше-влак дене вашлийын, патриот воспитаний шотышто мероприятийыш, мастарлык классыште шкеныштым шуарен кертыт. Нине рӱдерлаште тӱвыра мероприятият лиедат. Тыге социал фонд «ший ийготан-влаклан» полышым ойыра, тыгак нунылан пырля лияш верым келыштара.