20 ноябрьыште Шернур районысо тӱвыра пӧртыштӧ марий КВН лиеш.
Тудым Республикысе марий тӱвыра рӱдер эртара. Кызыт команде-влак деч йодмашым погат. Лекше йодышым 8(8362) 45-88-51 номеран телефон дене рашемдаш йодыт. Мыскара сынан фестивальын темыже тений тыгай: «Модым мый киношто…». Команде-влак визитный картычкым, разминкылан икмыняр йодышым, палемдыме теме дене мӧҥгысӧ пашам ямдылышаш улыт. Организатор-влакын увертарымышт почеш, самырык-влакым КВН-ыш утларак ушаш манын, командыште участник-влак гыч кумшо ужашыже 35 ияш марте лийшаш улыт. Йодмашым 13 ноябрь марте вучат.