Рӱдоласе 27-ше номеран школым капитально тӧрлат.
Тушто кайыме паша дене «Йошкар-Ола» оласе округын вуйлатышыже Евгений Кузьмин, туныктыш виктемын вуйлатышыже Альберт Чакичев палыме лийыныт. Ты марте тунемме верыште леведышым алмаштеныт, шокшым пуышо системым уэмденыт. Тиде кӱлешан этап, тудо зданийым вӱдыжгӧ да йӱштӧ дечын арала. Пашам февральыште мучашлышаш улыт. Уэмдыме зданий школын юбилейжылан пӧлек лиеш.