Шернур посёлкышто коллекторым капитально олмыктен шуктымо.
Уэмдыме коллекторышто 3480 м чумыр кужытан у полиэтилен пучкорным шупшыныт, тудо 50 ий деч шагал огыл пашам ыштен кертеш. Посна участке-влакым горизонтально-направленный бурений йӧн дене чоҥеныт. Тидын годым асфальтым огыт поч, ужар кушкыллан эҥегек огеш ышталт. Сетьым обслуживатлаш да тергаш ончымо тавым шындыме, траншейым мӧҥгеш оптымо. Вӱдым йоктарен колтымо ӱшанле системе - тиде яндар экологий, вӱд ташлыме да мландым амыртыме лӱдыкшым иземдымаш, тыгак кочкыш йӧнозанлык предприятий-влаклан вияҥаш у йӧн. Пашам «Инфраструктура для жизни» нацпроектын «Модернизация коммунальной инфраструктуры» федеральный проектше дене келшышын шуктымо.