Марий Элыште сурт коклаште илыше янлыклан орымаш ваштареш вакцинацийым эртарат.
Марий Элын кугыжаныш ветеринарий службышто ушештарат, орымаш - лӱдыкшӧ чер. Тудын дене вольыкат, еҥат черланен кертыт. Жапыштыже вакцинаций аралаш полша. Прививкым вольык чер ваштареш кучедалме шотышто кеч-могай районысо але оласе станцийыште яра ыштат. Жапым ветеринар специалист деч рашемдаш лиеш. Мутлан, Йошкар-Оласе 8 март уремысе ветстанцийыште шочмо гыч кугарня марте 8.00 гыч 17.00 марте мияш лиеш. Мут толмашеш, вакцинацийыш пырыс ден пий-влакым веле огыл кондаш лиеш. Шукерте огыл ветеринар-влак олаште илыше лумшым (руш. собольым) вакцинироватленыт.