Марий Элыште эртыше арняште 4 еҥ грипп дене черланен.
Тидын нерген Роспотребнадзорын республикысе виктемже палдара. 2 гыч 8 ноябрь марте 2432 случай ОРВИ да гриппым регистрироватлыме. ОРВИ коклаште шукыжым риновирус, парагрипп, аденовирус да бокавирус вашлиялтыт.
Эртыше шым кечыште 2 еҥын COVID-19 пеҥгыдемдалтын. Тидын годым санитар врач-влак ушештарат, республикыште грипп дечын вакцинаций умбакыже шуйна. 6 ноябрьысе данный дене, федерал бюджет кӱшеш 230 тӱжем утла еҥлан прививкым шынденыт, ты радамыште 70 тӱжем йоча, 132 тӱжем кугыеҥ. Республикыште илыше-влакын чотышт гыч 31% прививкым шындыктеныт.