Кугыжаныш Погынышто сайлыше-влакын наказыштым шуктымо шотышто постановленийын проектшым онченыт.
Вес ийлан депутат-влак калыкын 84 темлымашым погеныт. Тышечын утларак паша - 35% кудывечым тӧрлымӧ, школ да йочасад деке корным ыштыме, тротуарым чоҥымо дене кылдалтыныт. 20% - корным тӧрлымӧ, тыгак уремым волгалтарыме, спорт да модмо площадкым ыштыме, контейнер площадкым уэмдыме дене. Тидын дене пырля Чап оҥам, автобус павильоным, бассейным тӧрлымӧ, школлаште окнам вашталтыме дене кылдалтше наказ-влак улыт. Марий Эл Кугыжаныш Погынын бюджет комитетше улшо радамым сайлан шотлен да Кугыжаныш Погынлан ончаш темлен.
Фото: vk.ru/club191480056