Владимир Кожановым Россий Президентын Указше дене келшышын, «Заслуженный работник пищевой индустрии РФ» чаплӱм дене палемденыт.
Владимир Кожановын вуйлатыме производствыштыжо 500 наре шӧр продукцийым луктыт. Тудым Марий Элын, тыгак 40 утла регионышто ужалат. Тидын дене пырля Владимир Кожанов Марий Эл Кугыжаныш Погынын III, IV, V, VI да VII созыв депутатшылан сайлалтын. Тудо II степенян «За заслуги перед Отечеством» орденын медальже да II степенян «За заслуги перед Марий Эл» орден дене палемдалтын, Марий Элысе ялозанлыкын сулло пашаеҥже да Российысе агропромышленный комплексын почётан пашаеҥже.