«Онар» йоча-влакын образцовый калык куштымаш ансамбльже «Танцуй, Повольже!» Россий кӱкшытан фестиваль-конкурс гыч сеҥымаш дене пӧртылын.
Куштымаш пайрем Пенза олаште мучашлалтын. Марий Эл гыч коллектив шке куштымашыжым тӱрлӧ ийготан тӱшкаште ончыктен. Конкурс кок кече шуйнен. Кокла ийготан группо марий куштымаш дене икымше верыш лектын. Ушештарена, «Онар» образцовый калык куштымаш ансамбль Республикысе калык усталык пӧрт пелен пашам ышта, тудын вуйлатышыже-влак Андрей ден Наталья Дмитриевмыт улыт.
Фото: vk.ru/onar_mari