Свердловский областьыште специальный военный операцийын ветеранже-влак коклаште ӱстембал теннис дене «Кубок Александра Захарова СВОИ» таҥасымаш эртен.
Марий Эл гыч тушто кум боец вийжым терген. Алексей Суворов сусыргышо кидан-шамыч коклаште личный зачётышто 1-ше верыш лектын. Геннадий Ефремов ший призёр лийын, а Евгений Таникеев эн тале вич теннисист-влак коклашке логалын.
Фото: vk.ru/minsport12