Марий Элыште лум укелан кӧра кокияшын могай улмыжым эскерат.
Республикыште кокияш культур 44 тӱжем утла гектарыште ӱденыт. Теле вашеш озанлык пашаеҥ-влакым теве мо тургыжландара: лум але уке, а покшым возеш. Лум деч посна мланде чотрак кылма, ныжыл озым эҥгекыш логалын кертеш. Агроном-влак игечым эскерат: чара мланде ӱмбалне кенета йӱштат, температурын вашталтмыжат лӱдыкшӧ. Агрослужбын специалистше-влак озанлыклашке лектын коштыт, кушкыл-влакым аклат. Тыгодымак озанлык пашаеҥ-влак 2026 ийысе уржа-сорлам иктешлат, пырче ден пакчасаскам аралымым эскерат, нӧшмым ямдылат да техникым олмыктат. Тидын нерген ялозанлык министерстве палдара.