Марий Эл опорный сетьшын нормативлан келшен толшо автомашина корно дене Российын вич регион-лидерже радамыш пурен.
Тидын нерген транспорт министерстве увертара. Чумыр эл мучко тиде показатель 75,6 процент, Марий Элыште — 90 процент утла. Топ-5-ыш тыгак Иваново ден Брянский область-влак, тыгак Удмуртий пуреныт. Президентын указше почеш опорный сетьын корныжын нормативный состоянийыште ужашыже 2030 ийлан 85 процент марте кушшаш. Корным нормативный состоянийыш кондаш тений специалист-влак Елеево - Марий Турек - Лоп да Козьмодемьянск - Кугу Сундырь кугорно участкылаште шартышым уэмденыт. Пашан чумыр кужытшо 8 километр утла лийын.