Йошкар-Олаште руш театр-влакын фестивальышт эрта

Тиде кечылаште Йошкар-Олаште руш театр-влакын фестивальышт эрта. «Мост дружбы» - йӱлашке пурен. Тудым Константинов лӱмеш академический руш драме театр эртара. 29 ноябрь марте шуйнышо фестивальыште 12 спектакльым ончыктат. Ты гана постановко-влакым онлайн йӧн денат, театр сценыштат ончыктат. Башкортостан, Карелий, Удмуртий гыч театр-влак шке пашаштым онайн-йӧн дене темлат. Фестивальым марий кундемысе руш театр «Сотворившая чудо» спектакль дене почын. Тӱҥ героиня  Хелен Келлер – соҥгыра ӱдырамаш, но вий-куатым муын, бакалавр степеньым налын. Варажым тудо писатель, политик, США-н герйожо семын чапланен. Тиде спектакль дене тазалык дене эмганыше-влакын илышыштлан тӱткышым ойыраш да нунын дене кугешнаш тарата.