Российыште еҥ-влаклан коронавирус дечын вакцинацийым вес ий гыч тӱҥалаш шонат

Российыште еҥ-влаклан коронавирус дечын вакцинацийым вес ий гыч тӱҥалаш шонат. Вице-премьер Татьяна Голикован мутшо дене, вакцинацийым кажне кумылын ыштен кертеш. Ушештарена, кызыт медицин пашаеҥ да педагог-влаклан веле Ковид дечын прививкым ыштат. Таче кечын Российыште коронавиурс дечын кок вакцине регистрацийым эртен: «Спутник пять», тыгак «ЭпиВакКорона». Нуным Илышлан кӱлешан эм препарат-влак радамышке пуртеныт. Тидын шотышто распоряженийышке кидппалыжым Премьер-Министр Михаил Мишустин пыштен. 

Чумаков лӱмеш шанче рӱдер кызыт кумшо вакциным ышта. Тудым тений идалык мучаш марте клинически терген шуктышаш улыт.