Республикыште лишыл 5 ийыште 58 ялышке «канде тул» толеш

Республикыште лишыл 5 ийыште 58 ялышке «канде тул» толеш. Регион вуйлатыше Александр Евстифеев «Газпром» компанийын правлений председательже Алексей Миллер дене пырля уэмдыме программышке кидпалыштым пыштеныт. Тудо 2021-2025 ийлам авалта. Тиде жапыште республикыште 58 кундемым газифицироватлат. Инвестиций кугыт 4 миллиард утларак теҥгешке шуэш. Межпоселковый газпуч-влакым ыштымеке, Звенигово, Морко, У Торъял, Оршанка, Параньга да Советский районлашке газ толеш. «Волжск -1» Газораспределительный стацийын реконструкцийжым ыштат. Тыгак Марий Эл Правительствын тыршымашыже дене,   поселкылаште газпуч-влакым шупшаш тӱҥалыт, тыге 3000 утла пӧртлашке канде тул толеш,  14 котельныйым да промышленный предприятийым газышке кусарат. Тений 1 январьлан республикыште газифицкаций 89 процентышке шуын.