Главная > Марий Эл Радио > Лишыл кечылаште мемнан кудемыште йӱштӧ игече озаланаш тӱҥалеш
Лишыл кечылаште мемнан кудемыште йӱштӧ игече озаланаш тӱҥалеш16:48, 1-12-2020. Разместил: zhannk |
Лишыл кечылаште мемнан кудемыште йӱштӧ игече озаланаш тӱҥалеш. Уралыште кугу антициклон вийым налын, тудлан кӧра арня мучаш марте республикыште теле толмо шижалташ тӱҥалеш. Южын кокла температуржо тиде пагытлан келшыше дечын 6-9 градуслан йӱштырак лиеш. Йӱдым 18 гыч 23 градус марте йӱкшемда, кечывалым 10 гыч 15 градус марте йӱштӧ лиеш. Вес арняштат тыгаяк игече аралалтеш. Марий Гидрометеорологий службо увертара: Йошкар-Олаште эн йӱштӧ декабрь 1978 ийыште лийын, тунам 31 декабрьыште 46 градус йӱштӧ лийын. 1955 ийыште 6-7 декабрьыштак 35, 36 градус марте йӱштӧ озаланен. Пытартыш 20 ийыште йӱштӧ декабрь 6 гана лийын: 2016, 12, 10, 09, 02, 2001 ийлаште. Россий Гидрометеорӱдерын данныйже дене, декабрь, январь тылзылаште игече жаплан келшыше лиеш гын, февраль да мартыште йӱштӧ лийшаш. Вернуться назад |