Кугыжаныш да муниципал учреждений-влаклан, тушто тыршыше-влаклан пашадарлан тӱлаш оксам ситышын ойырат

Мемнан кундемыште граждан-влакын социал полышлан, кугыжаныш да муниципал учреждений-влаклан, тушто тыршыше-влаклан пашадарлан тӱлаш оксам ситышын ойырат. Тиде да моло нергенат Россий финанс министр Антон Силуанов дене эртарыме совещанийыште пале лийын. Республике дечын видеоконференцийышке Александр Евстифеев ушнен. Министр ушештарен: регион-влак социал-кӱлешан виктыш дене роскотым шотышто кучышаш да жапыште шийвундым ойырышаш улыт.