Коронавирус чер шарлыме жапыште студент-влаклан полшат

Коронавирус чер шарлыме жапыште студент-влаклан полшат. Российын шанче да кӱшыл образований министерство регионлаште тунемше-влаклан социал полышым ойыраш темлен. Марий кундемысе кӱшыл тунемме вер-влакат тиде пашашке ушненыт. Тений декабрь тылзыште тӱшкагудылаште илыше 100 утла еҥым посна QR-код дене яра пукшат. Тыгак студент-влаклан материально полшат, тӱлен тунемыт гын, отсрочкым пуат, психолог консультаций дене полшаш ямде.