Марий тиште кечылан пӧлеклалтше марий тӱвыра форум тӱҥалын

Марий тиште кечылан пӧлеклалтше марий тӱвыра форум тӱҥалын. Тудо Шкетан лӱмеш марий кугыжаныш драме театрыште эрта. Тудын кышкарыште Мария Клюкинан сӱрет выставкыжым почмаш, «Идалыкын книгаже» конкурсышко пурышо паша-влакын ончерже лиеш. «Калык - Марий кундемын поянлыкше» фотоончерым почмаш, поэт-писатель-влак шке сылнымутыштым лудыт, Марий тиштын ончыкылыкшо нерген мутланымаш. 15 шагатлан - «Мый марла ойлем», тыгак «Мунло» уш-акыл марафон. 18 шагатлан – «Идалыкын книгажым» иктешлат, тыгак кастене спектакльым ончыктат. 10 декабрьыште В.Васильев шанче-шымлыше институтышто семинар да шанчызе Иван Галкинын 90 ияш лӱмгечыжлан пӧлеклалтше йыргешке ӱстел лиеш.