Благовещений башньыште «Азербайджан-тулан эл» ончер почылтын
17:52, 17-12-2020. Разместил: zhannk
Марий Элыште келшен икмыняр калык-влак илат. Южыжын шке автономийыштат уло Республикыште илыше азербайджан-влакын калыкле-тӱвыра автономийышт у фотоончерым чумырен. Тудо «Азербайджан-тулан эл» маналтеш. Ончер Йошкар-Олаште «Благовещений башня» тӱвыра-выставке рӱдерыште пашам ышта. Экспозицийыште Азербайджанысе фотограф-влакын пашаштым вераҥдыме. Тушто Кавказ элын мотор да пале вер-шӧржым, историй памятникшым, калыкын кочкыш-сийжым, йӱлам ончыктымо. Тыгак тушто калык вургем, сурт-коклаште кучылтмо ӱзгар, тошто книга-влакым ужын аклаш йӧн уло. Ончер 15-ше январь марте пашам ышта.
Вернуться назад