У Ий каныш кечылаште республикыште 21 пожар лийын
15:51, 11-01-2021. Разместил: zhannk
У Ий каныш кечылаште республикыште 21 пожар лийын. Россий МЧС-н республикысе виктемже увертара, 7 оралте йӱлен, ик еҥ тулеш ӱмыр лугыч лийын. Тулазап-влакын тӱҥ амалышт- электровоштырын начар улмыжо да коҥгам олтымо годым правилым пудыртымаш. Эн шуко пожар Медведево районышто лийын, тушко пожарым йӧртышӧ-влак 6 гана лектыныт, 3 тулазап дене Йошкар-Ола ден Волжскышто, 2 пожар дене Курыкмарий, Марий Турек, У Торъял районлаште, икте дене Морко, Звенигово да Шернурышто лийыныт.
Вернуться назад