Йошкар-Оласе троллейбус кондуктор дечын посна пашам ышташ тӱҥалын

Йошкар-Оласе троллейбус кондуктор дечын посна пашам ышташ тӱҥалын. 18 январь гыч 10 номеран троллейбус маршрутышто кастене билетлан оксам погышо да билетым пуышо посна еҥ огеш лий. Пассажир-влак водитель дене улшо терминал гоч оксам тӱлен кертыт. Еҥ-влак тиде маршрутышто ончыл омса гыч пураш да лекташ тӱҥалыт. Тидын нерген «Троллейбусный транспорт» муниципал предприятийыште палдарат.