Марий Элыште коронавирус дене черланыше-влакын чотышт 11 тӱжем еҥым эртен
16:18, 8-02-2021. Разместил: zhannk
Марий Элыште коронавирус дене черланыше-влакын чотышт 11 тӱжем еҥым эртен. Пытартыш суткаште 43 еҥын тиде вирусым лабораторно пеҥгыдемденыт. Пандемий тӱҥалме дечын вара республикыште черланыше-влакын чотышт 11 тӱжемат 8 еҥышке шуын. Тачысе кечылан стационарлаште коронавирус але тудын лийын кертме лӱдыкшӧ дечын 604 пациент эмлалтеш, 111 еҥ нелын черле, пытартыш суткаште 28 еҥым эмлымверышке пыштеныт. Оперативный штабын уверже почеш: у коронавирус инфекцийлан кӧра республикыште 157 еҥ колен, 9 тӱжемат 700 еҥ эмлалтын. Российыште инфицированный–влакын чотышт 4 миллионышкат шуэш.
Вернуться назад