Ялозанлык сатум ыштыше-влак тений январь тылзыште 3 миллард утларак теҥгелан продукцийым луктыныт
11:43, 18-02-2021. Разместил: zhannk
Ялозанлык сатум ыштыше-влак тений январь тылзыште 3 миллард утларак теҥгелан продукцийым луктыныт. Тидыже кодшо ий тыгаяк жап дене таҥастарымаште 2,7% шукырак. Маристат увертара: 1 февральллан ончымаште республикыште 80 тӱжем утла вуй тӱкан шолдыра вольыкым ончат, тышечын утларакшым -70% тӱшка озанлыклаште кучат. Январь тылзыште фермер да предприятий-влак 30 тӱжем тонн шылым ыштен налыныт, шӧрым 13 тӱжем тонным лӱштеныт, муным 33 миллион штукам. Шӧр лӱштыш Медведево, У Торъял районлаште ик эн кугу.
Вернуться назад