Икмыняр кече жапыште Йошкар-Олаште илыше-влак «Оласе йӧнан среда» программе дене шке темлымашыштым пуэн керты

 Икмыняр кече жапыште Йошкар-Олаште илыше-влак «Оласе йӧнан среда» программе дене шке темлымашыштым пуэн кертыт. Нине кумдык-влакым 2021 ийыште тӱзатышаш улыт. Ушештарена, йодмаш-влакым 18 февраль марте налыт, тидын дечын вара шорт-листым ыштат да еҥ-влак тӱзатышаш проект-влакым шкештак ойырат. Йӱклымаш тений у семын эрта. Тидлан российысе платформым пашашке колтат. Тушко «Госуслуги» порталыште регистрацийым эртыше кажне еҥ ушнен кертеш. Икмыняр минутым ойырен, олаште илыше-влак кундемым вияҥдыме пашам ончыко колташ полшат.  

Ушештарена, ты марте рӱдӧлаште илыше-влакын ойырымышт почеш 25 кумдыкым тӱзатеныт. Тений йӱклымаш чыла регионышто иканаште 26 апрель гыч 30 май марте лиеш. Тиде темлымаш дене 2022 ийлан тӱзатышаш кундем-влакын радамыштым ыштат. Платформышто кеч-могай объект дене йӱклымашым ужаш лиеш. Тышке 14 ияш дечын кугырак кажне кумылан еҥ ушнен кертеш.