Кундемна турист-влакым вашлияш ямдылалтеш
14:23, 31-03-2021. Разместил: zhannk
Кундемна турист-влакым вашлияш ямдылалтеш. 2019 ийыште Марий Элышке 700 тӱжем утла еҥ толын каен. Кодшо ий, пандемийлан кӧра, куштылго лийын огыл гынат, турист-влак мемнан кундем дене палыме лияш кумылын толыныт. Рӱдӧ оласе унагудо-влак тиде пагытлан кузе ямдылалтыт? Тидым Роспотребнадзорын специалистше-влак тергеныт. Уна да пашаеҥ-влакын температурышт кузе висалтеш, аралтыш средстве-влак кузе шукталтыт, чыла тидым онченыт. Тергымаш годым ситыдымаш вашлиялтын огыл. Специалист-влак ыштышаш паша нерген палдарат, да коронавирус черым шижтараш ямде улыт.
Вернуться назад