Республикысе чодыралаште 7 тӱжем утла шордо ила
11:44, 8-04-2021. Разместил: zhannk
Республикысе чодыралаште 7 тӱжем утла шордо ила. Пӱртӱс ресурс министерстве телымсе маршрутым иктешлен. Сонарлыме кумдыкышто да посна аралыме верлаште 900 утла маршрут дене чылаже 9 тӱжем утла километрым эртеныт. Тидын жапыште специалист да сонарзе-влак кайыкым да янлыкым шотленыт. Эксперт-влак палемдат: кодшо ий дене таҥастарымаште, шерге коваштан янлык чот шагалемын, но тыште лум шуко улмылан кӧра, янлык-влак чодыра дене шагал коштыныт. Чодыралаште 7 тӱжем утла шордо, 50 тӱжем утла кӱдыр, 2 тӱжем утла рывыж, 11 тӱжем утла ош мераҥ, 27 тӱжем утла музо илат.
Вернуться назад