Корным чоҥышо-влак пашам тӱҥалыныт

Йошкар-Олаште Свердлов уремыште корным тӧрлат. Сеҥымаш кече вашеш Ленин лӱмеш тӱвыра полат воктенсе корно оҥго гыч Анциферов урем марте лакылам петыркалат, у асфальтым шарат. Тиде урем Сеҥымаш парк воктене эрта, садланак пашам лишыл жапыште мучашлышаш улыт. Олаште урем-влакым шуко вере тӧрлаш палемдыме. Тидлан 18 тӱжем тонн асфальт-бетон вартышым кучылтыт.