Марий Эл вуйлатыше Александр Евстифеев Россий Президент Владимир Путинын посланийже шотышто комментарийым пуэн
10:59, 23-04-2021. Разместил: zhannk
Марий Эл вуйлатыше Александр Евстифеев Россий Президент Владимир Путинын посланийже шотышто комментарийым пуэн. Президент шке ойыштыжо Российын да тудын субъектше-влакын вияҥмашыже нерген ойлен. Калыклан социал полышым ойырымо, здравоохранений, образований, предпринимательство сферын пашам ыштымыже нерген палемден. Чыла шонымашат калыклан полыш дене келыштаралтын. 2020 ийыште тӱня пандемийым вашлийын. Российыште икымше кечыла гычак ситуацийым шотышто кучаш да кулмӧ семын полышым ойыраш тӱҥалыныт. Кызыт эпидемиологический ситуаций саемаш тӱҥалын, тыгодым еҥ-влаклан полыш кызытат ойыралтеш. Россий Президент палемден: августышто школышто тунемше йочан еш-влаклан ик гана 10 тӱжем теҥге дене пуат. Марий Элыште тиде полышым 80 тӱжем утла йочалан пуышаш улыт. Россий Президент изи йочан черланымыже годым больничныйым пашадарын 100 процентше семынак тӱлымо нерген ойлен. Регион вуйлатыше Посланий гыч эше ик кӱлешан виктышым палемден- тиде йоча лагерьлашке путевкылан субсидий-влак. Тений республикыште кумда тазаҥдыме кампаний эртышаш.
Вернуться назад