Йошкар-Олаште «Шарнымаш вахте» тÿҥалын

Российысе акций жапыште рӱдӧ оласе кадет класс, патриот клублаште шуаралтше-влак Воин чап монумент воктене шогат. 10 май марте почетан караул вахтым кучаш тӱҥалеш. Тидын вашеш сеҥымашын кумлымшо идалыкше лӱмеш тӱвыра полатыште патриот клуб-влакын слетышт эртен. «Шарнымаш вахте» жапыште ятыр мероприятий лиеш. Кажныже самырык-влакым патриот шӱлышеш куштымо, шочмо элым жаплыме да пагалыме амал дене эртаралтеш. Тений патриот объединений-влакын темлымашышт дене келшышын Шарнымаш Вахте жапыште «Наследие: истории малой родины» проект эрта, тушто туныктымо программе да интерактивный мероприятий лийыт. Йошкар-Олаште шарнымаш вахтышке оласе школла гыч кадет класс, юнармеец-влак ушнат.